Културни настани, голем број на зимски и летни фестивали, музички настани, ликовни изложби, театари и вечери на поезијата се само дел од богатата ризница на Македонската култура.

Преку нив луѓето со векови ја одржуваат традицијата на своите предци и така го негуваат своето традиционално богатство пренесувајќи го од една на друга генерација. Патувајќи со go Macedonia ќе имате можност да запеете традиционални македонски песни или пак да заиграте на Македонската фолк музика отсвирени на кавал и гајда (традиционални дрвени инструменти), во придружба на мажи и жени облечени во народни носии специфични за секој регион во земјата.

Галичката свадба ги отсликува обичаите на Мијачкиот и Малоречанскиот регион. Во денешно време оваа свадба претставува туристичка атракција каде што младите луѓе од овој регион го имаат задржано култот кон свадбата од старите времиња.

Вековните карневалски традиции ги претставуваат старите верувања дека деновите по нова година се “несвети” и тогаш ѓаволот може највеќе да му наштети на човекот. Со цел да се заштитат од него во тие несвети денови луѓето избегнуваат да работат и употребуваат различни магиии при што се организира и карневал. Како остаток од паганските времиња, карневалот содржи еротски елементи и елементи поврзани со плодноста иако често пати има и елементи на модерната сатира. Карневалите во Вевчани и Струмица се најдобрите примери на оваа традиција.